خواطري انا

مستحيل استغني عنك وانت اقرب من خيالي وحتي رشة عطري زاتو .. مستحيل استغني عنك وانت ساكن جوه بالي وعمري بيك حسيت حلاتو .. مستحيل استغني عنك وانت عندي عزيز وغالي عليك مشاعري حبيبي ماتو @@@ انت يالحن الغناوي وبسمة الفرحه الجميله ويابيوت شعر القصايد .. انت ياوتر المواني ولمسة الالفه النبيله ويانجوم ليل الوسايد .. انت ياامل الاماكن وهمسة البهجه الطويله ودعوه من نور المعابد @@@ شلت منك ذكري حلوه وشوق رسايل في حروفي ورغم بعدي كتبت ليك .. شلت منك حاجه خلت دم عروقي ينادي اسمك وقلبي ينزف غيمه فيك .. شلت منك روعه سالت لون محبه وريشه رسمت اندياح لوحاتي بيك @@@ ياحبيبي تعال بحبك والغرام امواج بتنحت في رمال ضفات سنيني .. ياحبيبي تعال بريدك والكلام اتلاشي مني وضعت في لهفة حنيني .. ياحبيبي تعال عشاني وفي السلام يكفيني حضنك وحلمي يزهر يوم تجيني